Monday, December 4, 2017

ထန်းသီးမုန့် ပြုလုပ်နည်း

ထန်းသီးမုန့် ပြုလုပ်နည်း








လိုအပ်တာတွေကတော့
၁။ ဆန်မှုန့် ၁၅၀ ဂရမ်
၂။သကြား ၁၅၀ ဂရမ်
၃။ ထန်းသီးအမှည့်သီး အနှစ် ၆၀ ဂရမ် (သို့) ထန်းသီးမှည့်အနှစ် ရယ်ဒီမိတ်ဘူး
၎။ အုန်းနို့ ၂၇၀ ဂရမ်
၅။ ဆား အနည်းငယ်
၆။ Baking powder 1.5 Teaspoon
အုန်းနို့ ၊ သကြား နဲ့ ဆားကို သကြားပျော်ရုံ မီးဖိုပေါ်မှာ တင်ပြီးတည်ပါ။
သကြားပျော်ရင် မီးဖိုပေါ်မှ ချထားပါ။
ဆန်မှုန့် နဲ့ ထန်းသီးနှစ်ကို ယောင်းမဖြင့်သမအောင်မွှေပါ ။
မီးဖိုမှချထားသော အုန်းနို့ကို တဇွန်းချင်း ထည့်မွှေပါ။ စေးလာသည်အထိ နယ်ပါ။
အုန်းနို့ရည် ကုန်သည်အထိ တဇွန်းချင်းထည့်မွှေပါ။
မှုန့်နှစ်ရည် အနေအထားရောက်ပြီဆိုရင် ခွက်ကြီးကြီး (သို့) ဖန်ဇလုံတလုံးအတွင်းသို့ ဇကာစစ်ချပါ ။
လေလုံအောင်ဖုံးပြီး ၆ နာရီ (သို့) ၈ နာရီ ကြာထားပါ။
(ကျမကတော့ မနက်မုန့်လုပ်ဖို့ဆိုရင် ညကတည်းက မုန့်နှစ်ရည်လုပ်ပြီး တညအိပ်ထားလိုက်ပါတယ် ထန်းသီးနံ့လေး ပိုမွှေးတာသိသာပါတယ်) ။
ပေါင်းခါနီးမှာ baking powder ကို ဇကာစစ်ပြီးထည့်ပါ။ ထည့်နေတုန်းမှာ တဖက်ကလဲ မုန့်ကိုမွှေနေပါ။
မိမိပေါင်းမယ့်ခွက် (သို့) ဘန်းထဲထည့် ပြီး နာရီဝက် / ၄၅ မိနစ်ခန့် ပေါင်းပါ။
( တခွက်ချင်းစီ ပေါင်းတာထက်စာရင် အားလုံး ခွက်ကြီးကြီးနဲ့ ထည့်ပေါင်းရင် ပိုပွပါတယ်..)
မုန့်သားပေါ်သို့ ပေါင်းအိုးအဖုံးမှ ချွေးများမကျစေရန် ပေါင်းအိုးအဖုံးကို သန့်ရှင်းသော လက်သုတ်ပုဝါဖြင့် ပတ်ပြီးမှ ပေါင်းပါ။
အအေးခံပြီး လိုရာပုံကို လှီး (သို့ ) ကတ်ကြေးဖြင့် ညှပ်ကာအုန်းသီးခြစ်ပီး ဖြူးစားလို့ ရပါပြီရှင် ။
Source: Ma ma Soe Mar Lar

MYKA Ecommerce
www.myka.com.mm


No comments:

Post a Comment